Убаастабыллаах Октябрина Филипповна!

Убаастабыллаах Октябрина Филипповна! Эйигин кэрэ-бэлиэ үбүлүөйгүнэн, айыы сиригэр үктэммит алгыстаах күҥҥүнэн ис-сүрэхпититтэн үөрэн-көтөн эҕэрдэлиибит! Күндү киһибитигэр үгүс үөрүүнү, күн сиригэр баар үтүөнү, дьоллоох, уһун олоҕу баҕарабыт. Биһиги туспутугар ахсаабат кыһамньыҥ, өйөбүл-тирэх буоларын, эйэҕэс сыһыаныҥ, болҕомтоҥ, иһин барҕа махталбытын тиэрдэбит. Ытык сааскын бэлиэтиир күҥҥэр үөрэн-көтөн туран эйиэхэ чэгиэн доруобуйаны, быстыбат күүһү-уоҕу, күн-дьыл өксүөнүн билиммэккэ, ыалдьар-кырдьар диэни аахсыбакка, эдэрдии эрчимнэнэн, чугас дьонуҥ сылаас тапталынан кынаттанан мэлдьи үөрэ-көтө сырыт! Баҕа санааҥ барыта барҕара туолуохтун, алгыспыт үтүөтэ, санаабыт сырдыга эйиэхэ тиийиэхтин! Эҕэрдэни кытта: А.П.Решетникова аатынан муусука уонна фольклор түмэлин коллектива.