Бүгүн Вера Исакова суруйбут «Дьулусханнаах сырыылаах ДохсунНьургустай» олоҥхо-кинигэтин сүрэхтэниитэ буолла!

Бүгүн Олоҥхо декадатын чэрчитинэн фольклору үөрэтээччи, тарҕатааччы, Сулҕаччы “Чычып-Чаап” уһуйаанын музыкатын салайааччыта, И.И.Константинов-Дэлэгээт Уйбаан аатынан орто оскуола үлэһитэ,«Амма киэҥ туттуута» бэлиэ хаһаайката, Сулҕаччы нэһилиэгин бочуоттаах олохтооҕо Вера Исакова оҕолорго анаан суруйбут «Дьулусханнаах сырыылаах Дохсун Ньургустай» олоҥхо-кинигэтин сүрэхтэниитэ буолла.Ураты
кэрэхсэбиллээх кэрэ бэлиэ күҥҥэ, саха омук сүҥкэн баайа, удьуор тыына-Олоҥхо саҥа көрүҥүнэн альбом быһыытынан таныллан,оҥоһуллан дьон дьүүлүгэр таҕыста. Бу альбом кинигэ оҕону кыра сааһыттан олоҥхоҕо чугаһатар, төрөөбүт тылбыт баайын, кэрэтин, ис күүһүн билиһиннэрэр,сахалыы сиэр-майгы, хорсун санаа үөрэҕин иҥэрэр сыаллаах-соруктаах. Оҕо бу айымньыны дьиэ кэргэнин кытары умсугуйан ааҕарыгар олус табыгастаах олук буолара саарбаҕа суох. Ол курдук бүгүн түмэл саалатыгар  кэлбит ыалдьыттар - Саха Өрөспүүбүлүкэтин духуобунай сайдыыга уонна култуураҕа министирин солбуйааччыта  Марина Владимировна Силина ону тэҥэ Амма улууһун дьаһалтатын, үөрэҕэриитин, култууратын үлэһиттэрэ, биир дойдулаахтара,чугас дьоно-сэргэтэ эҕэрдэ тыл эгэлгэтин эттилэр, олоҥхону оройуттан толордулар
Сиһилии:https://vk.com/wall-205589456_2345

Файл:  Загрузить

Дополнительные фотографии:  Загрузить / Загрузить / Загрузить